Studentsørvis

Dramastudentar ved Avdeling for kulturfag er i full sving med sine arbeidskrav i emnet "Forteljing og retorikk" . Her vert framføringar og aktivitetar for barn, workshop for utanlandske studentar, spøkelsesforteljingar på loftet, stand-up komedie og erotiske eventyr for vaksne på intim scene.

Fredag 30 april, under Dokumentarfilmfestivalen, kjem sjølvaste Veronica Maggio til Rokken. Dørene opnar kl 21.00 og billettar er å få kjøpt på Rokken.no

Den norske dokumentarfilmfestivalen går av stabelen for fjortande gong i morgon. Den offisielle opninga vert halden på Samfunnshuset i Volda kl. 12.00, melder Kaia Johnsen Viki, som er informasjonsansvarleg for festivalen.

FRIDAY 30TH OF APRIL 12 P.M AT SAMFUNNSHUSET:
SCREENING OF ”LION WOMEN” FOLLOWED BY DISCUSSIONS

Laurdag 15. mai vil alle klasser/linjer ved alle institutta ved høgskulen stille lag til vårcup. Har du laget ditt klart? 9. mai er frist for innmelding av lag.

Synnøve Riste-huset vart opna måndag 26.4. Kontorbygget på tre etasjar samlar store delar av Avdeling for humanistiske fag og lærarutdanning. – Gleda og iveren over dette nye bygget skal vi også bruke til å planleggje neste nybygg, sa rektor Amdam. Han peika på arealbehovet som fylgjer mellom anna veksten i ekstern verksemd ved høgskulen.

Denne veka arrangerer PR, kommunikasjon og medieutdanninga ved Høgskulen i Volda fagdagar om bistandsarbeid og kommunikasjon. Mellom gjestane er Helen Bjørnøy, generalsekretær i Plan Norge og Andrew Kroglund, ein aktiv kommunikatør, debattant, bloggar og styreleiar i Forum for utvikling og miljø.

Om to veker, frå 6.-8. mai, går Sunnmøre kammermusikkfestival av stabelen. - Vi gledar oss spesielt til å møte musikkmiljøet ved høgskulen, studentar og ikkje minst musikkskular i regionen, kommenterer Annar Follesø, som er kunstnarleg ansvarleg for festivalen. Saman med andre internasjonale kanonar i klassisk musikk vil han halde meisterklasser for unge utøvarar.

Studentbandet Fatty Sunroad ved Høgskulen i Volda spelar det dei sjølve kallar Tivolimusikk. Det passar nok; dei studerer drama, sosionom, nynorsk skriftkultur og musikk. I kveld spelar dei på Urørt på NRK p3 kl. 21.03. Snart spelar dei under Dokfilm-festivalen.

Denne veka arrangerer Avdeling for humanistiske fag og lærarutdanning temadagar med overskrifta ”Psykisk helse blant barn og ungdom - ei utfordring i skulen.” I dag heldt Magne Raundalen, (bilete) ein av landets fremste barnepsykologar, førelesinga ”Barn som lever under harde vilkår.” Alle førelesingane er opne for alle.