Tidligare utanrikskorrespondent og utanriksmedarbeidar i Aftenposten, Per Egil Hegge held opne dobbeltførelesingar om norske utanriksjournalistikk og om den sovjetiske invasjonen i Tsjekkoslovakia i 1968 førstkomande onsdag ettermiddag, melder førstelektor Rolf Werenskjold ved Avdeling for mediefag.
Laurdag 20. oktober kjem Amnesty til Volda for å ha eit seminar om menneskerettar og journalistikk, og då særleg relatert til OL i Kina. Arrangementet vert halde på Rokken frå klokka 10.00 og er ope for alle. Utanrikskorrespondent Phillip Lote vil vere ein av innleiarane.
Fredag 05.oktober held Gunnar Strøm ei førelesing om Rock og ungdomskultur. Førelesinga er open for alle og finn stad i Vesle auditorium på Berte Kanutte-huset, kl. 12.15-14.00.
Revideringa av bachelorgradsstudiet i journalistikk ved Høgskulen i Volda vart avslutta i juli. Studiet oppfyller alle NOKUT sine krav til akkreditering av studium på lågare grads nivå. Nasjonalt organ for kvalitet i utdanninga (NOKUT) konkluderer med at de dokumenterte resultata er tilfredstillende.
NRK-journalist Synnøve Hole er innleiar på seminaret ”Krisekommunikasjon i praksis” torsdag 4.10 denne veka. Seminaret handlar om å planlegge for og evaluere etter ein krisesituasjon, og brukar Bourbon Dolhpin-ulykka som utgangspunkt. Ho vil presentere den første rapporten som var sendt i Kveldsnytt og dei første timane etter ulykka.
Line Halvorsen sin film USA mot Al-Arian vart kåra til beste nordiske dokumentarfilm medan kortfilmen Kompisar av Magnus Mork mottok SF's Nordic Talent Award under Nordisk Panorama. Line Halvorsen er tidlegare student ved fjernsyn- og dokumentarfilmstudiet ved Høgskulen i Volda.
I samband med programmet for Internasjonal Mediehistorie held Avdeling for mediefag ved Høgskulen i Volda ei open førelesing der Egil Johan Ree vil ha eit foredrag om Mai-opprøret i Frankrike 1968, og hans perspektiv på utanriksjournalistikken. Førelesinga går fredag 28.9 kl. 12.15.
Torsdag 4. oktober vert det arrangert eit miniseminar med tittelen ”Krisekommunikasjon i praksis" ved Høgskulen i Volda. Arrangementet er eit samarbeid mellom Kommunikasjonsforeningen Møre og Romsdal og Informasjonsutdanninga ved Avdeling for mediefag, Høgskulen i Volda.
Avdeling for mediefag inviterer til dagsseminar om journalistikkens samfunnsrolle i samarbeid med Forskingsdagane 2007. Onsdag 26. september frå kl. 09.00-16.00 kan ein høyre 16 innlegg - dei fleste på 30 min, og med grunnlag frå eit forskingsprosjektet om journalistikkens samfunnsrolle som avdelinga er engasjert i fram til 2010.
Tysdag 18.9 held Andrea Stone, journalist i USA TODAY og W. Joseph Campbell, professor ved American University kvar sine gjesteførelesingar om media og det amerikanske samfunnet i dag. Førelesinga er i Aasen-auditoriet, og er open for alle.
