Mediefag

Høgskulelektor Jens Standal Groven ved Avdeling for mediefag presenterte torsdag denne veka VRI-prosjektet "Den maritime klyngja i media", under årets Status og vegen vidare-konferanse i regi av NCE Maritime i Ålesund. I prosjektet spør Standal Groven mellom anna om media representerer verkelegheita i den maritime klyngja?

– Vi vil vere med på å utvikle framtidas videoreportasjar, seier stipendiat ved Avdeling for mediefag, Pål Aam. Han er på Voss under Ekstremsportveko og forskar på tv- og videonyhende saman med stipendiatkollega Kjetil Vaage Øie frå Avdeling for kulturfag, fire studentar frå Volda og to forskarar frå Bergen.

Mah Rukh Ali, som går fra jobben som nyhetsanker i TV 2 Nyhetskanalen, skal fra september jobbe i tospann med nyhetsanker Arill Riise (52) på moderkanalen TV 2, skriver VGnett. Ali tok medieutdanning i Volda.

Verdas største animasjonsfestival blir denne veka arrangert i Annecy i Frankrike. Avgangstudentane Kitti Karaksela, Ivana Bosnjak og Lea Vidakovic har verdspremiere på filmen dei laga saman med elevar på Velle skule i Ørsta i vinter.

Dokumentarfilmstudent Hilde Ranheim (25) frå Bærum har laga dokumentar om ulykka på Rise i 1968. Filmen har premiere under Hjørundfjorddagane denne helga. – Det vert spennande å vise filmen til folket på Sæbø og i Bondalen. Historia er sterk og ikke minst viktig, så eg håpar den kan bli eit minne for etterkomarar, seier Hilde.

Spelforsking er eit nytt felt i verda, men ikkje i Volda. Sida midt på nittitalet har Torill Mortensen, ein av dei tidlege spelforskarane på den internasjonale arenaen, arbeida med si forsking med base på Avdeling for mediefag. Denne veka legg ho, saman med konferanseleiaren Kristine Jørgensen frå Universitetet i Bergen, til rette for ei samling av spelforskarar frå inn- og utland.

Journaliststudent Hanne Marie Molde har snart eksamen, men rekk å få med seg Melodi Grand Prix, der ho er friviljug i sørvisdesken, fortel ho til NRK.no. Det er ikkje første gongen ho er der det skjer. Tidlegare i år tok ho del på klimatoppmøtet i København.

Høgskolelektor Torgeir Dimmen ved Avdeling for mediefag ved Høgskulen i Volda forskar på lokalaviser. - Dimmen har undersøkt alle dei 145 lokalavisene som kjem ut tre gongar i veka eller sjeldnare. I eit intervju med NRK kommenterer Dimmen mellom anna kva monopolsituasjonen har å seie for samfunnsdebatten i eit lokalsamfunn.

Rådet for anvendt medieforskning (RAM) har tildelt støtte til anvendt medieforsking for 2010. Avdeling for mediefag markerte seg sterkt i kampen om forskingsmidlane og fekk støtte til tre prosjekt.

Tysdag 27. oktober presenterte studentar på informasjon og medieutdanninga sine prosjektresultat for oppdragsgivarar i den maritime sektoren på Sunnmøre.
– Eg vil karakterisere disse prosjekta som dei beste som har vore levert av infostudentar i Volda, seier fagansvarleg Jan Arne Halvorsen ved AMF.