Lærarutdanninga

- Vi er nå i gang med årets teaterproduksjon, fortel pressetalskvinnene ved Drama årsstudium. Stykket er fritt etter "24 mislykkede nordmenn" av Jesper Halle, og vi har bestemt oss for å kalle oppsetninga vår "Under Overflata". I tragikomedien med premiære i mai møter ein 19 svært ulike personlegdomar.

- Høgskulen i Volda har sett fokus på deltidsstudenten og arbeidslivet sitt kompetansebehov, og har tilrettelagt utdanningar for dei som har behov for å kombinere studium og arbeid, seier rektor Gunnar Stave. Høgskulen tilbyr no over 60 deltidstilbod.

Tidlegare dramastudent Henrik Morken Nielsen gjorde stor suksess i Volda då han spelte bakgardskatten O’Malley i dramastudentane si oppsetning av Aristokattane. No er han aktuell i filmen "Lange Flate Ballær" som har noregspremiere i dag. – Dramastudiet i Volda var ei nyttig erfaring som har kome godt med, kommenterer han.

Det svenske Högskoleverket gjennomførte ei kvalitetsgransking av svensk spesialpedagogutdanning hausten 2005. Rapporten ligg no føre. Granskinga vart gjennomført av ein komité, med professor Peder Haug ved Avdeling for lærarutdanning, Høgskulen i Volda som leiar.

Høgskulen i Volda skal ta del i Lærerutdanningsprogram Sør-Nord, eit program i regi av Direktoratet for utviklingssamarbeid (Norad) og Senter for internasjonalisering av høyere utdanning (SIU). Prosjektet inneber for vår del ein god del felles seminar og arbeidsmøte både her i Volda og i Malawi, melder Odd Ragnar Hunnes ved lærarutdaninga i Volda.

Førstelektor Reidun Åslid Bjørlykke har gjeve ut forskingsrapporten Musikk i begynnaropplæringa i grunnskulen. Forskingsrapporten er eit studium av musikkfaget i småskulesteget frå 1994 og fram til 2003. Ho har teke føre seg læreplanar og lærarar sine oppfatningar av måla for musikkfaget.

- Allereie neste veke kjem Jordi Fernandez frå Universitat de Lleida (UdL) for å førelese ved Kroppsøving årsstudium. Fernandez er basketballspelar på høgt nivå i Spania og underviser i ballspel ved UdL. Høgskulen i Volda og UdL har no blåst liv i ein utvekslingsavtale gjennom Erasmusordninga.

- But, … the sun is shining, why is it so cold? How can it be cold when it is so nice and sunny, spurde dei afrikanske utvekslingsstudentane som kom til Volda denne veka. Dei tek del i Fredskorpsprosjektet, og reiste frå 38 varmegrader i Namibia og Malawi til minusgradene i Volda.

- I dag er faglærarar, saman med styrarar og øvingslærarar frå praksisbarnehagane i førskulelærarutdanninga samla til fagdag ved Høgskulen i Volda. Lærebokforfattar Anne Tove Fennefoss held innlegg om praksisforteljing som læringsstrategi i barnehage og utdanning.

- Det er songar frå film og scene som står på repertoaret til helga, fortel dirigent og høgskulelektor Leif Barmen. Med eige band og solistar frå musikkmiljøet ved Høgskulen i Volda arrangerer Høgskulekoret konsert både laurdag 11. og søndag 12. mars kl. 18.00 i Henrik Kaarstad-huset.