Kurs, konferanser og seminar o.l.

På oppdrag frå Utdanningsdirektoratet har Høgskulen i Volda utvikla eit nytt studium i Andrespråkspedagogikk. Målgruppa for studiet er lærarar i den vidaregåande skulen som underviser i yrkesfaglege studieprogram.

Sunnmøre kammermusikkfestival vil framleis forske i kjernen i kammermusikkrepertoaret. Song vert sentralt også i år, med blant anna heile tre syklusar: Schumanns ”Dichterliebe”, Mahlers ”Kindertotenlieder” og Benjamin Brittens korte ”Tit for tat”.

Høgskulen i Volda inviterer studentar, helse- og sosialarbeidarar, pårørande og andre interesserte til open temadag med overlege Audun Myskja fredag 18.januar. Tema er «Musikken er livet, det - integrert musikk til personar med demens».

I år er det 10-årsjubileum for barnehagekonferansen, og 450 deltakarar er samla i Ålesund i dag og i morgon. Barnehagekonferansen er eit samarbeid mellom Fylkesmannen i Møre og Romsdal, Utdanningsforbundet Møre og Romsdal og Høgskulen i Volda.

Arbeidet med Fylkeshistoria i Sogn og Fjordane vert presentert på eit seminar i Florø fredag 2. november. På seminaret vil ein få eit første glimt av historia og kva tankar historikarane gjer seg om vegen vidare. – To forfattarar ved Historisk institutt er med og skriv denne fylkeshistoria, seier førsteamanuensis Arnfinn Kjelland ved Høgskulen i Volda.

Høgskulen i Volda, Akademika forlag og Ura forlag inviterer til temadag på Litteraturhuset i Oslo den 12. oktober. – Tema er krigserfaringar på bakgrunn av to nye bøker. Ei av dei har eg vore med på å skrive, seier dosent Jan Ove Ulstein ved Høgskulen i Volda.

Sist veke var det studiestart for vidareutdanning i aktiv omsorg: «Musikk i målretta miljøarbeid». Leiaren ved Institutt for sosialfag Hallgerd Conradi og dei fagleg ansvarlege, Øystein Salhus (Avdeling for kulturfag) og Anne-Sofie Egset (Avdeling for samfunnsfag og historie), kunne ønske 18 nye studentar frå Averøy, Aure, Kristiansund, Molde, Ålesund, Herøy, Ørsta og Volda velkomne.

Krava til god undervisningskvalitet aukar. Godt over halvparten av arbeidsoppgåvene for vitskaplege tilsette er knytt til undervisning, formidling og rettleiing, samstundes som fokus og kompetanseheving på desse arbeidsoppgåvene er relativt lite.

Utdanningssystemet vert reformert. Det vert m.a. stilt krav om at studentane skal skrive bacheloroppgåve. Høgskular og universitet får tildelt fleire masterutdanningar. Til saman skaper dette store utfordringar for utdanningsinstituasjonane. Ei av dei er å auke kompetansen til faglærarane som skal rettleie studentane i skriving av bachelor- og masteroppgåver. Det er strenge krav til vitskapleg innhald i slike oppgåver og strenge krav til nivået på rettleiinga.

Rundt femti aktive og engasjerte deltakarar frå pleie og omsorgssektoren er i dag samla på Høgskulen i Volda for å oppleveseminaret Musikk i demensomsorga.