Lærarutdanninga

Høgskulelektor Lila Marie Moberg ved Høgskulen i Volda er saman med Nora Lindén tildelt Nynorsk fagbokpris 2007 for bokprosjektet ”Barn og kommunikasjon – om små barns bruk av utforsking av digitale verktøy.” Juryen peikar mellom anna på nytenkinga i prosjektet – ”dette finst ikkje i litteraturen frå før.” Prisen vert delt ut under haustlanseringen til Det Norske Samlaget i dag, 15.8.2007.

Førstelektor Asbjørn Simonnes og tidlegare undervisningsleiar ved medieutdanninga i Volda, Gudmund Gjelsten har ført i pennen Fagbokforlaget si lærebok ”Skole og media.” - Vi stiller spørsmålet om korleis verdidualismen i media utviklar identiteten og karakteren til unge, og opnar for at større fokus på mellommenneskeleg kommunikasjon er viktig når ein lærer å bruke media.

Er du interessert i å spele teater og har lyst til å lære meir om deg sjølv og skapande prosessar, så er dette studiet for deg. Studiet er også aktuelt for dei som vil arbeide med å lage interessante og spanande undervisningsopplegg i grunn- og vidaregåande skule. No er søknadsfristen utvida til 10. august.

- Det er veldig kjekt å koma attende til Volda og verte gjort litt stas på, smiler Ranveig Velle Vedeld. Ho tok del i fagseminaret som Seksjon for spesialpedagogikk arrangerte denne veka. Saman med tidlegare masterstudentar, fagfolk og representantar frå praksisfeltet tok dei opp erfaringar med masterstudiet og utfordringar i det spesialpedagogiske fagfeltet.

- Den årlege Barnehagekonferansen vert halden i Molde 1. og 2. november og tek i år opp temaet: ”Den gode barnehagen som grunnmur for livslang læring,” melder Britt Loven Ølnes ved Høgskulen i Volda. Hovudinnleiarar i år er Hillevi Lenz-Taguchi frå lærarhøgskulen i Stockholm, Turid Thorsby Jansen frå Høgskulen i Vestfold, Sigurd Aukland frå Klepp kommune og Ragnhild Lied frå Utdanningsforbundet.

Ein eigen nettstad er klar for prosjektet Democracy in Teacher Training, melder Arngeir Berge i prosjektgruppa frå Volda. Prosjektet, som er eit samarbeid mellom Chancellor College i Malawi og Høgskulen i Volda, søkjer å styrkje kunnskapen om demokrati i lærarutdanningane i Malawi og Noreg.

Høgskulen i Volda i samarbeid med Dronning Mauds Minne Høgskole i Trondheim lyste i vår ut studiet Pedagogisk utviklingsarbeid i barnehagen. Då søknadsfristen gjekk ut 15 mai, hadde det meldt seg over 200 søkjarar til 50 studieplassar. - Dette er svært gledeleg, seier fagleg ansvarleg for studiet Bente Vatne ved HVO.

Heile åtte studentar ved bachelorstudiet i musikk ved HVO held i desse dagar eksamenskonsertar. Mandag 21. og tirsdag 22.mai vert det arrangert fire konsertar med variert program.

Siste to vekene har studentar frå Media, IKT og design ved Høgskulen vore instruktørar i videoproduksjon for 6. klasse ved Bratteberg skule. Fredag 27.4 viser dei video sine, og publikum er inviterte til å sjå og stemma på beste film.<br>Møt opp i Store auditorium kl. 10.30.

I morgon, onsdag 18. april, kl 12.15 inviterer studentrådgjevaren ved Høgskulen i Volda, Ann-Iren Høgalmen og PPU-tillitsvalt, Henning Frode Dispen studentar til seminar om eksamensstressmeistring.