Sosionomstudentar i gruppesamtalar med niandeklassingar

- Eg må balansere meg emosjonelt i møte med svært ulike typar ungdom, held Oddvar fram. Ein kan møta elevar som gjerne vil snakke om alt mulig, eller elevar som ikkje vil dele noko, fortel han.

- Eg trur dette er ei svært viktig førebuing til vi skal ut i arbeidslivet.



- Studentane vert godt briefa både før og etter ein gruppesamtale - det ein ein viktig del av evalueringa, forklarar Tor Andestad (t.h.) Sosionomstudent Oddvar Rieve til venstre.
(last opp bilete i høgoppløyseleg kvalitet)

Ungdom om rus
- Målet er å setje lys på ungdomsskuleelevane sine haldningar om rus – eit viktig felt for sosionomstudentane, forklarar Tor Andestad. Han er gjesteforelesar for studentane ved Høgskulen i Volda, og har gjort undersøkingar av ungdomar sine haldningar og bruken av rusmiddel.
- Prosjektet i Volda trur eg er unikt i heile landet. Andestad er tilsett i Molde kommune, men har gjort undersøkingar om ungdom og rus i store delar av landet.
- Her får studentar lære gruppesamspel, leiing i gruppa og evna til å skape eit rom der ungdomsskuleelevar kan opne seg om spørsmål og førestillingar dei treng å få lufta.

Opne opp for dei vanskelege spørsmåla
- Elevane i ungdomsskulen har ANT på timeplanen, det vil seie tema rundt haldningar, bruk og førestillingar om alkohol, narkotika og tobakk, fortel høgskulelærar Birger Inge Jacobsen ved Høgskulen i Volda, som tok initiativ til eit samarbeid mellom Volda ungdomskule og bachelorutdanninga i sosialt arbeid ved Høgskulen i Volda.
- Haldningsskapande arbeid er viktig i ungdomsskulen, og no får framtidige sosialarbeidarar førstehandskjennskap til
- Sosionomstudentane har gruppesamtalar med ungdomsskuleelevar i grupper på tre studentar og seks elevar. Studentane er budde på metodar for å skape ei trygg og god kontakt der ein klarar å opne for samtale om ofte vanskelege, personlege spørsmål.

Rapport om niandeklassingane i Volda
- Temaa som vert tekne opp vert omtala i lys av undersøkingar om niandeklassingar i Volda. Tor Andestad har skrive ein direkte rapport til niandeklassingane der nettopp deira haldningar og bruk av rus mellom ungdom i Volda gjer samtalen konkret og handfast både for studentar og elevar.



- Det var spennande å få nokre dagar her ved Høgskulen, sa tre av niandeklassingane, Kamilla, Marte og Elisabeth, etter ANT-opplegget siste veka.

Studentane lytta
- Studentane var kjempeflinke – og det er eigentlig ganske greitt å prate med dei, seier niandeklassingane Kamilla, Marte og Elisabeth etter gruppesamtalane.

- Vi har hatt tre sesjonar denne veka, og følte vel at studentane lytta til det vi hadde å fortelje.
- Det er litt enklare å prate med studentar enn andre vaksne, avslutta dei.

Flott involvering med ungdomsskulen
- Ungdomsskulen har vore ein god samarbeidspart, avsluttar også Tor Andestad.

- Vi har hatt foreldremøte der også dei føresette har fått presentert rapporten om elevane og det opplegget vi har følgt denne veka. I tillegg har ungdomsskulen vist både tillit og profesjonalitet i samarbeidet.

Les meir om Bachelorgraden i Sosialt arbeid og dei andre studietilboda på Institutt for sosialfag