Bli med og vinn både premie og betre studiekvardag
Går du 2. eller 5. studieår? Da kan du svare på spørreundersøkelsen Studiebarometeret og vinne både penger og mat på Rokken for klassen din – i tillegg til å gjere studiet ditt betre.
Går du 2. eller 5. studieår? Da kan du svare på spørreundersøkelsen Studiebarometeret og vinne både penger og mat på Rokken for klassen din – i tillegg til å gjere studiet ditt betre.
22. oktober opna Studiebarometeret 2019 og studentar som går 2. eller 5. året ved Høgskulen i Volda kan no svare på undersøkinga. Alle skal ha fått e-post med lenke til der ein skal svare på undersøkinga.
Svarfrist på studiebarometeret er 17. november.
Studiebarometeret vert gjennomført for å fange opp studentane sitt syn på utdanningskvalitet. Føremålet er å auke studiekvaliteten og gi nyttig informasjon til høgskular/universitet, studentar og andre. Resultata gir utdanningsinstitusjonane moglegheit til å gjere forbetringar. I tillegg vert resultata brukt til forsking på utdanningskvalitet. Undersøkinga vert utført av NOKUT på oppdrag frå Kunnskapsdepartementet.
– Bruk stemmen din
Det tek cirka 10-12 minutt å fylle ut spørjeskjemaet. Vel investert tid, meiner Trym Rimmen og Mathilde Gaalaas-Berg, høvesvis leiar og fagansvarleg i Studentparlamentet i Volda.
– Dette er ein moglegheit for studentane til å bruke stemma si og seie ifrå om kva dei er nøgd med og ikkje i studiekvardagen sin. Nokon føler kanskje at det er vanskeleg å gi slike tilbakemeldingar elles, då er Studiebarometeret ein perfekt moglegheit, seier Gaalaas-Berg og poengterer at undersøkinga er anonym.
Blir høyrt
Undersøkinga er nasjonal og gir grunnlag for å samanlikne studium på tvers av universitet og høgskular, og sjå trendar og endringar frå år til år.
– Når ein får svar på same spørsmåla år etter år ser ein om det er forbetringspotensiale på dei ulike studia, og om det blir tatt tak i av høgskulen. Difor er det så viktig å svare, og svare ærleg på dette. Det kan gi skulen ein peikepinn på at noko bør forbetrast, seier Rimmen og held fram:
– Det som er så bra med denne undersøkinga er at ein veit at den blir tatt opp i viktige forum ved høgskulen, snakka om og tatt tak i.
Gøy premie
Parlamentsleiar Rimmen svarte på undersøkinga som andreklassing på bachelorgraden i musikk. Svarprosenten i klassen hans var høgst ved høgskulen og dermed vann dei mat til ein kveld på Rokken. Same premien vinn klassen med høgast svarprosent i år. I tillegg er det ein nasjonal premiepott blant dei som svarar der gevinstane er 5 gåvekort på 5000 kr og 25 gåvekort på 1000 kr.
– Eg anbefaler alle å svare. Den kvelden vi vann på Rokken var verkeleg gøy, minnast Rimmen med eit smil.
Svarfrist på studiebarometeret er 17. november.
