Ny bok om vanskar med språk og kommunikasjon frå Bele
Førsteamanuensis Irene Velsvik Bele ved Avdeling for humanistiske fag og lærarutdanning, Høgskulen i Volda er redaktør og medforfattar i den nye boka ”Språkvansker. Teoretiske perspektiver og praktiske utfordringer.” – Vi tek først og fremst for oss vanskar med språk og kommunikasjon som er allmenne, men som enkelte strevar med i større grad enn andre.
- Dette er språkvanskar som blir større med auka krav til kognitive funksjonar som merksemd, minne, ressonering og språk, og som får store konsekvensar for læring og utdanning, fortel Bele. Dette vert omtala som spesifikke språkvanskar.
- Eg er veldig glad for å ha fått med meg dyktige medforfattarar med unik fagleg kompetanse og innsikt på sine felt.
Viktige teama i boka:
* Spesifikke språkvanskar i ungdomsskule og vidaregåande opplæring vert drøfta i lys av teoriar om læring og opplæring.
* Spesifikke språkvanskar vert sett på i lys av nyare kognitiv forsking knytt til informasjonsbearbeiding.
* Diagnostisering vert sett i eit kritisk sosiologisk perspektiv.
* Spesifikke språkvanskar vert drøfta i eit språkutviklingsperspektiv med eksempel frå barn med ei tospråkleg utvikling.
* Språk og kommunikasjon vert sett i ei sosiokulturell, dialogisk forståingsramme.
Boka er skrev for studentar i pedagogikk, spesialpedagogikk og psykologi, samt for lærarar og førskulelærarar i etter- og vidareutdanning, og er nyttig for alle som vil vite meir om det å møte barn og unge med språkrelaterte lærevanskar.
| Last ned omslag | Forfattarar: |
Les meir om boka på Cappelen Damm sine heimesider
