Kurs, konferanser og seminar o.l.

Lærarstudentar og tilsette ved lærarutdanninga har dei tre siste dagane delteke på seminar om psykisk helse i skulen. Kari Anne Osborg i arrangementskomiteen meiner at temaet for seminaret er svært relevant for komande lærarar.

-Aktiv omsorg er ein viktig strategi for framtidas omsorgsteneser. Det vil kreve større fagleg bredde i omsorgssektoren med fleire faggrupper og auka vektlegging på kulturtiltak, sosialpedagogikk, ergoterapi, fysioterapi og sosialt arbeid, seier Anne Sofie Egset. Ho er prosjektleiar for "Aktiv omsorg" som 30. april inviterer til seminar om kompetasebehov og rekruttering i omsorgssektoren.

Seminaret er aktuelt for både studentar og tilsette, og vil sette søkelys på kommersialisering av forskingsresultat og nyskapande studentarbeid. Har du ein forretningside basert på forsking eller nyskapande arbeid? Seminaret vil gi deg tips til korleis du kan utvikle ideen vidare.

Clifford Christians er professor frå Communications and Media Studies ved Universitetet i Illinois og tek del på etikk- og religionsseminara ved HVO denne veka. Fredag kl. 12.15 held han gjesteførelesing om mediaetikk. Christians er svært godt kjend som lærebokforfattar og forskar innan media og etikk.

- Raku er eit japansk ord som betyr glede og står for prosessen glasurbrenning, forklarer professor Meltem Kaya frå det anerkjende universitetet Mimar Sinan i Istanbul i Tyrkia. Førre måndag heldt ho kurs i rakubrenning for kunst og handverkstudentar. Rakubrenning er den raskaste metoden for å brenna glasur på leire.

I samband med avsluttande eksamen ved Mastergradsstudiet i nynorsk skriftkultur vert det tysdag 18. desember halde ei opa prøveførelesing av Mette Aaram Ringstad med temaet "Dei nynorske identitetane i lys av det generelle forholdet mellom språk og identitet".

På torsdag, (22 november), var rundt femti deltakarar samla til seminaret: Aktiv omsorg- kunnskapsgrunnlag og kunnskapsbehov. Foredragshaldarane Tor Johan Eikeland, Marit Botnen og Jan Inge Sørbø innleia til dialog om Stortingsmelding nr. 25- Framtidas omsorgsutfordringar.

Onsdag 7. november kl 18.15 held filosof Jon Hellesnes si siste førelesing som professor II ved Høgskulen i Volda. Førelesinga er eit ledd i seminarrekka knytt til Mastergradsstudiet i kulturmøte, og har tittelen ”Kulturmøte - og spørsmålet om toleranse i vår tid.” Førelesinga vert halden på Berte Kanutte-huset, rom 158, og er open for alle.

Ivar Aasen-instituttet og Norsk Ordbok inviterer til seminaret "Biografien i nynorskverda" i Forskarnettverket i nynorsk skriftkultur onsdag 21. november kl. 10.00. <br>
Møtet vert lagt til Stavanger i samband med MONS-møtet 22-24. november.

Fyrstkomande fredag vil publikum få høyre tre av Edvard Grieg sine mest omtykte kammermusikalske verk i auditoriet i Kaarstad-huset ved Høgskulen i Volda. Ragnhild Engeset (song) og Bjørnar Myhr (klavér) vil framføre songsyklusen ”Haugtussa”, medan Øystein Salhus og Bjørnar Myhr vil spele den fyrste og tredje fiolinsonaten til Grieg. Konserten knytt til FESTiVOLDA-arrangementa