HVO inngår rammeavtale med Norsk nettskule
– Høgskulen i Volda og Norsk nettskule AS har gått saman om ein rammeavtale med overordna mål om å byggje opp under Volda som felles studiestad og leverandør av studium med høg kvalitet og fleksibilitet, forklarar prosjektleiar Oddbjørn Nes ved Kontor for etter- og vidareutdanning.
– Avtalen byggjer også på at vi har ein geografisk nærleik til kvarandre og er forankra i eit felles syn om at læring skjer best i møte mellom menneske, forklarar Nes.
– Vi vil no samarbeide om skuleretta etter- og vidareutdanning og utviklingsarbeid. Avtalen byggjer vidare på samarbeid vi har hatt tidlegare og skal vere med på å etablere nye samarbeidsfelt.
Tett samarbeid
– Dette er ei utveksling av kompetanse, understrekar Nes.
Han viser til at Norsk nettskule vil nytte høgskulen som sin primære samarbeidspart i produksjon og tilrettelegging av fagleg innhald. Likeins vil høgskulen nytte Norsk nettskule i tilrettelegging og drift av slike utdanningstilbod.
– Samarbeidet skal gå føre seg på institusjonsnivå, forklarar Nes, og viser til at ein vil nemne opp konkrete kontaktpersonar med ansvar for god, intern informasjonsflyt.
Ekstern lenkje til Norsk nettskule
