Søkjartala aukar ved Høgskulen i Volda
– Siste månaden har vi gått fram med 229 nye førsteprioritetssøkjar, fortel Ragne Ørstavik Sørheim, opptaksansvarleg ved Høgskulen i Volda. Heile 143 av desse er søkjarar til mastergradsprogram/mastergradsnivå, fortel ho.
– Spesielt har samarbeidet vi skal ha med Høgskolen Stord/Haugesund gitt gode tal, då 128 av dei 143 er søkjarar til Mastergradsstudium i helse- og sosialt arbeid, meistring og myndiggjering.
– Resten av framgangen er meir jamt fordelt på dei ulike opptaka og plassane.
Til no har Høgskulen i Volda over 2900 førsteprioritetssøkjarar, og mange av desse vert snart kontakta av Søk-korpset ved høgskulen. Søk-korpset er ei teneste som ringer og sender ut informasjon til alle nye søkjarar.
