Godt samarbeid om brubygging mellom Nord og Sør

Fredskorpsstudiet Exchange for Development ved Høgskulen i Volda er eitt av dei største Fredskorpset-Ung-prosjekta til denne tid, og det einaste med utveksling av lærarstudentar. Ein rapport på norsk er no klar, etter at prosjektet vart avslutta i 2008.

I 2008 hadde ein hatt fem utvekslingsrundar med til saman 44 afrikanske og 39 norske deltakarar, melder Norleif Vik som har vore prosjektleiar og fagleg leiar for studiet.

Alle har teke i mot diplom som Fredskorpsdeltakar frå Fredskorps Noreg, i tillegg til vitnemål om halvårsstudium i Skuleretta samfunnsfag SRS105 frå Høgskulen i Volda.

b28f610a092101ebdd8cc717782c08438b32befa

Dei fleste av utvekslingsstudentane i 2004 saman med nokre av lærararne. Sjå bilete frå fleire kull nedanfor.

e561cc0391b203ab0afe590e1556c95d6b5dfc56

Tidlegare fredskorpsstudentar frå Malawi som er komne attende for å ta Norsk for utanlandsstudentar (NUS) Mastergradsstudium i spesialpedagogikk. F.v. Twambilele, Hajira og Jennipher.

Haldningsskapande informasjonsarbeid

Som samfunnsfaglærarar i heimlandet vil haldningsskapande informasjonsarbeid i eit brubyggingsperspektiv vere ein del av deira framtidige undervising i kontakt med ei veldig stor målgruppe, så fredskorpsprosjektet har stor spreiingseffekt både i Nord og i Sør.

- Vi er svært glade for at prosjektet har fungert som planlagt og fått mange positive tilbakemeldingar, fortel Vik, som saman med Odd Ragnar Hunnes har vore Høgskulen i Volda sine representantar i prosjektet.

Høgskulen i Volda har samarbeidd med fire afrikanske lærarutdanningsinstitusjonar, to i Malawi og to i Namibia, og vore ein pionerinstitusjon i samarbeidet med Fredskorpset om lærarutdanning og brubygging.

Vi er takksame overfor alle som har vore med på å gjere opphaldet i Volda og Noreg til ei positiv og lærerik oppleving for dei afrikanske lærarstudentane. I ein engelskspråkleg rapport vil vi på same måte takke våre partnarmiljø i Afrika for deira innsats, seier Norleif Vik og Odd Ragnar Hunnes.

bd026553cbbb9ca5ea5a962229aa231999b74792