Tiltredingsførelesing med Jon Olav Myklebust
Førelesinga blir halden i samband med at Jon Olav Myklebust nyleg har takka ja til stilling som professor i velferdssosiologi ved Institutt for sosialfag ved Høgskulen i Volda. Myklebust har vore tilsett ved Høgskulen sidan 1973, og i lengre periodar har han også hatt forskingsprosjekt ved Møreforsking.
I denne førelesinga tek Jon Olav Myklebust utgangspunkt i livsløpsperspektivets frammarsj i samfunnsforskinga og viser spesielt kva relevans denne tilnærminga har i helse- og velferdsforsking. Men klasseperspektivet må også koplast til livsløpsteorien, ikkje minst fordi forskinga viser at framleis er det stor sosial ulikskap når det gjeld helse og velferd.
Både norske og internasjonale studiar blir diskuterte. Førelesaren byggjer også på den livsløpsforskinga som på oppdrag av departement og forskingsråd er blitt utført ved Møreforsking og Høgskulen i Volda det siste tiåret.
Førelesinga har tittelen Når tida tel. Livsløpsperspektiv i helse- og velferdsforsking, og er er torsdag 17. mars kl. 14.15 og er open for alle interesserte.
Stad: Strøm-huset, auditorium 244.
