Noregs Forskingsråd vitjar Volda
Onsdag 6. juni kjem ei gruppe på 8 forskingsleiarar og administratorar frå NFR sitt Program for velferdsforsking til Volda for å sjå nærare på forskingsmiljøet på dette området ved høgskulen og Møreforsking.
Delegasjonen, med forskingsleiar Aksel Hatland i spissen, vil møte leiarane for HVO og Møreforsking, samt forskarar ved ulike prosjekt innan velferdsforsking. Prosjekta arbeider med emne som psykisk helsevern, elevar opptekne på særvilkår i vidaregåande skule, ungdom og marginalisering, barn og media.
Voldamiljøet hevda seg godt i konkurransen om midlar då det nye velferdsprogrammet vart starta opp i fjor. Difor er det svært positivt at NFR no ønskjer nærare kontakt med forskingsmiljøet.
