Nordisk mobilisering under språkforskarkonferanse i Russland
Den første, internasjonale lingvistkonferansen (CDLI) vart halden i Russland førre veke. Professor Michael Schulte frå Institutt for språk og litteratur ved Høgskulen i Volda var den norske representanten. - CDLI var ei politisk markering for å mobilisere og bygge opp under det internasjonale samfunnet for språkforskarar, kommenterer han.
Cognitive Dynamics in Linguistics Interactions (CDLI) 
var halden i Irkutsk i Sibir, ved Baikal National University of Economics and Law, Department of Foreign Languages.
Hovudinnleiarane kom frå Russland, Japan, Sverige og England.
Professor Schulte hadde fleire roller på konferansen som chair, paneldebattant og førelesar.
– Det var ei flott oppleving, og eg trur kongressen har store, potensielle ringverknader.
Konferansen var arrangert i Irkutsk i Sibir av professor Alexander Kravchenko, som er ein profilert forskar innan kognitiv lingvistikk.
– Russiske lingvister fekk no endelig sjansen til å presentere forskninga si framfor eit internasjonalt publikum, seier Schulte.
