Kristvik-skrift nr.1
"Svinge slegge over halvkalde jarn" er tittelen på det fyrste nummeret i den nye serien med Kristvik-skrifter. Det inneheld manuskript, avisinnlegg og brev frå 1941 til 1947. Redaktørar er Atle Døssland og Sveinung Vaage.
Formålet med Kristvik-skrifter er å gje ut tekstar av og om pedagogen Erling Kristvik. Skriftene vil innehalde upublisert materiale, korrespondanse og tidlegare publisert materiale som er vanskeleg tilgjengeleg. Skriftserien er også open for nye bidrag om Kristvik sin forfattarskap. Samla sett vil skriftene gje større innsikt i Kristvik sitt bidrag til norsk pedagogikk og utdanningstenking og gje grunnlagsmateriale for ny forsking.
Kristvik-skrift nr. 1 er i to delar. Den første delen inneheld to skriftstykke - det tidlegare upubliserte "Profetisk pedagogikk" og innlegget "Kunnskap er makt", som vart trykt i avisa Vårt Land 7.oktober 1947.
Den andre delen inneheld delar av korrespondansen mellom Erling Kristvik og Leiv Døssland frå perioden 1941-1945.
Kristvik-skrifter. Nr.1
Erling Kristvik: "Svinge slegge over halvkalde jarn" : Manuskript, avisinnlegg og brev 1941-1947.
Redigert av Atle Døssland og Sveinung Vaage
Kristvik-skrifter kan kjøpast hjå SfS Bok Volda og Haugen Bok.
