Jan Ove Ulstein og Jan Inge Sørbø med bok til forfattar og teolog Oskar Stein Bjørlykke
Den 4. desember vart forfattar og teolog Oskar Stein Bjørlykke sytti år. På ei tilstelling på Litteraturhuset i Oslo førre torsdag fekk forfattaren boka "Diktet lyser i kvelden. Dikt i utval. " som professor Jan Inge Sørbø og dosent Jan Ove Ulstein ved Høgskulen i Volda har vore redaktørar for saman med Per Olav Kaldestad.
Dagen vart feira med ei litterær analyse av forfattarskapen til Oskar Stein Bjørlykke. Per Olav Kaldestad tok føre seg barnebøkene, Jan Inge Sørbø gav ei innføring i vaksenlyrikken og Irene Engelstad orienterte om romanane. Det vart også kaffi og kaker med litterære helsingar frå Einar Økland, Guri Vesaas, Margit Walsø, Trygve Åslund, Turid Barth Pettersen og Ragnar Hovland.
Utvalet inkluderer både dikt for barn og dikt for vaksne. Boka inneheld fleire tekstar om lyrikken hans, skrivne av redaktørane for boka, Jan Ove Ulstein, Jan Inge Sørbø og Per Olav Kaldestad. Einar Økland bidrar også med både helsingtekst og fleire helsingsdikt.
Les meir:
