HVO-forskar på stor konferanse
Førstelektor Ragnhild Fauske ved Institutt for religion, livssyn og kyrkjefag er nettopp komen tilbake frå American Academy of Religion si årlege samling i San Diego, USA. – Dette er ein stor konferanse for teologar, skulefolk og forskarar. Om lag 9000 fagfolk deltok. Eg presenterte funn frå doktorgradsarbeidet mitt der eg arbeider med samtalar om eksistensielle spørsmål i barnehagen, seier Fauske
Førstelektor Ragnhild Fauske ved Institutt for religion, livssyn og kyrkjefag (lengst til venstre) driv med barnehageforsking og hadde ein presentasjon under emnet «Childhood Studies and Religion Unit».
Førstelektor Ragnhild Fauske ved Institutt for religion, livssyn og kyrkjefag er nettopp komen tilbake frå American Academy of Religion si årlege samling i San Diego, USA. – Dette er ein stor konferanse for teologar, skulefolk og forskarar. Om lag 9000 fagfolk deltok. Eg presenterte funn frå doktorgradsarbeidet mitt der eg arbeider med samtalar om eksistensielle spørsmål i barnehagen, seier Fauske
Førstelektor Fauske driv med barnehageforsking og hadde ein presentasjon under emnet «Childhood Studies and Religion Unit».
– Tittelen på presentasjonen min var «Gravestones, Zombies, Dead Siblings and Existential Questions». Eg har observert nokre barnehagebarn på besøk på ein kyrkjegard og analysert samtalane borna hadde med barnehagelæraren i etterkant, seier Fauske.
Fauske finn at det borna ser og opplever på kyrkjegarden fører til nye samtalar.
– Materielle artefakt kan føre til gode eksistensielle samtalar, seier ho.
