Du får breiddekompetanse i audiovisuell produksjon, som kvalifiserer deg for å jobbe med utvikling og produksjon av medieinnhald i ulike sjangrar, på ulike plattformar.
Det blir lagt vekt på teamarbeid og samarbeidsevner, i tillegg til internt og eksternt prosjektarbeid og produksjonspraksis.
Studiet er ei praktisk-teoretisk treårig utdanning. Studentane jobbar med å utvikle, planlegge og gjennomføre produksjonar innan dokumentar, oppdragsfilm og livestreaming.
Innblikk i studiekvardagen
Tre studenter ved medieproduksjonsstudiet ønsket å utfordre seg selv i praksis. Resultatet ble at de tok initiativ til å lage reklamefilm for Høgskulen i Volda. Tilbakemeldingene var over all forventning.
Guro og medstudentane på medieproduksjon fekk mange motiverande møte med arbeidslivet som ventar, på bransjetreff på campus. Studentane stod sjølve for det vellukka arrangementet med inviterte mediebedrifter.
Den praktiske delen av studiet har fokus på historieforteljing med foto og video. Studentane lærer idé- og konseptutvikling, research, visuelt språk og produksjonsteknikk, og får erfaring frå arbeid med regi, foto, lyssetting, lyd, klipp og produksjonsleiing.
I den teoretiske delen av studiet lærer du sentrale omgrep og teoriar for analyse av audiovisuelt medieinnhald, teoriar om forholdet mellom media og publikum, og mediemakt. Du får opplæring i akademisk skriving og forskingsmetode. Relevant mediejuss og -etikk er integrert i fleire emne i bachelorgraden.
Opptakskrav
Generell studiekompetanse. Det krevst ingen forkunnskapar innanfor mediefag. Det faglege innhaldet i første studieår er på eit grunnleggande nivå.
Undervisninga er ein kombinasjon av forelesningar, workshop, prosjektarbeid og rettleiing. Undervisninga vert i periodar organisert som intern praksis, der studentane jobbar i grupper med å produsere dokumentar- og oppdragsfilm.
Det vert nytta ulike vurderingsformer i dei ulike emna, sjå emneplanar.
For å oppnå eit tilstrekkeleg godt kompetansenivå i medieproduksjon, er det nødvendig at du som student engasjerer deg aktivt i eiga læring. Det forventast at du bruker tid til å arbeide med faga i tillegg til organisert undervising, både i praktiske og teoretiske emne.
Du vil jobbe både individuelt og i grupper. Det kan bli undervist på engelsk i enkelte emne.
Det er en stor fordel om du har eigen berbar datamaskin som er eigna til programvare for redigering av foto og video.
Aktuelle yrke og vidare studium
Med ein Bachelor i medieproduksjon får du breiddekompetanse på audiovisuell produksjon, som kvalifiserer deg for å jobbe med utvikling og produksjon av medieinnhald i ulike sjangrar, på ulike plattformar.
Du får ein kompetanse som kan nyttast i fleire medieprofesjonar. Eksempel på tre yrkesretningar for kandidatar som har fullført Bachelor i medieproduksjon:
• Jobbe i produksjonsselskap eller mediehus med produksjon av dokumentarar og/eller kommersiell innhaldsproduksjon. • Jobbe i kommunikasjonsavdelinga til ei verksemd eller i ein organisasjon med produksjon av audiovisuelt innhald. • Starte eige enkeltpersonsforetak, og produsere mindre audiovisuelle produksjonar på oppdrag frå kundar.
Du får også eit godt grunnlag for vidare studium på mastergradsnivå, som for eksempel Master in Media Practices ved Høgskulen i Volda.
Tidspunkt for oppmøte og samlingar
Studiestart for alle nye studentar som skal ta Bachelor i Medieproduksjon er tysdag den 20. august.
Etter felles oppstart for heile Høgskulen i Volda vil de finne fadrane i studieprogrammet Medieproduksjon som står klare med plakatar. De skal følgje fadrane til foajeen i Mediebygget for felles åpning for alle program knytt til Avdeling for mediefag.
Etter det blir det klassevise samlingar. De vil få ein kort introduksjon til dei to emna de skal følgje dette semesteret, og møte dei som underviser i studieprogrammet.
Introduksjonsveke: • Onsdag 21.08: undervisning frå 10-14. • Torsdag 22.08: undervisning frå 10-14.
Plan for heile semesteret vil bli publisert på Canvas ved studiestart.
Dei faste undervisningsdagane er: mandag, tysdag og torsdag.
Men det vil vere avvik frå desse tidene nokre veker, og korrekte tider for kvar veke ser du på semesterplanen for emnet.
Studieplan
Medieproduksjon - bachelor
Studieprogram:
Medieproduksjon - bachelor
Studienivå:
Bachelor (grunnivå)
Studiepoeng:
180
Studielengd:
6 semester
Kull:
2025
Studieplassar:
36
Studietype:
Bachelorgradsstudium
Organisering
Heiltid
Opptakskrav
Generell studiekompetanse
Om studiet
Ønskjer du eit kreativt yrke? Med ein bachelor i medieproduksjon får du brei kompetanse på audiovisuell innhaldsproduksjon.
Studieinnhold
Medieproduksjon - bachelor er eit praktisk-teoretisk studieprogram. Du lærer om medievitskap, idé- og konseptutvikling, dramaturgi, visuell historieforteljing, medievitskap, og jobbar med profesjonelt kamera- og lydutstyr. Gjennom studiet utviklar du kreative, tekniske og profesjonelle ferdigheiter, og evne til å bruke dei på tvers av ulike roller og produksjonar. Det blir lagt vekt på teamarbeid og samarbeidsevner, og i studiet inngår internt og eksternt prosjektarbeid og produksjonspraksis.
Aktuelle yrke og vidare studium
Med ein bachelor i medieproduksjon ervervar du ein kompetanse som kvalifiserer du deg til for mange fleire ulike oppgåver i arbeidslivetkreative yrke. Du kan jobbe med utvikling og produksjon av medieinnhald produkt i ulike sjangrar, og med innhaldsproduksjon til ulike plattformer. i produksjonsselskap, internt i ein større organisasjon, eller i eige enkeltmannsforetak.
Læringsutbytte
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Kunnskapar
Kandidaten skal ha
kunnskap om etablerte prinsipp innan innhaldsproduksjon
kunnskap om dramaturgi og forteljarteknikkar
kunnskap om medieformer, sjangrar og teknologisk utvikling
kunnskap om medievitskap og kommunikasjonsteori
Ferdigheiter
Kandidaten skal kunne
utvikle kreative, tekniske og profesjonelle ferdigheiter, og kunne bruke dei på tvers av ulike roller og produksjonar
utvikle målgrupperetta konsept for audiovisuelle produksjoner til digitale plattformer
analysere og evaluere medieinnhald
utvikle ferdigheiter innenfor akademisk oppgaveskriving
gjennomføre undersøkingar og kjeldearbeid for akademiske oppgaver, rapportar og kreative prosjekt, med bruk av metodar som passar til formålet
samarbeide med andre i tverrfaglege team
reflektere over eiga personlege, faglege og akademiske utvikling
Generell kompetanse
Kandidaten skal kunne
planleggje og gjennomføre varierte arbeidsoppgåver og prosjekt som strekkjer seg over tid, både individuelt og i samarbeid med andre
produsere medieprodukt i samsvar med ein brief
demonstrere kunnskap om relevante faglege og etiske problemstillingar
formidle sentralt fagstoff som teoriar, problemstillingar og løysingar gjennom relevante uttrykksformer
Organisering og arbeidsmåtar
Undervisinga er organisert som med ein kombinasjon av teori og praksis:, med førelesingar, seminar, teoretiske og praktiske oppgåver arbeidsverkstadar og praktiske oppgåver, og prosjektarbeid både individuelt og i grupper. Interne og eksterne praksisperiodar, m.m.. Det kan bli undervist på engelsk i nokre emne. Som ein del av studiet inngår både praksisopphald, prosjektarbeid og produksjonar for ulike interne og eksterne oppdragsgivarar.
Det går fram av emneplanane om det er obligatorisk frammøte til undervisinga. Du kan lese meir om obligatorisk frammøte i gjeldande Forskrift om opptak, studium og eksamen ved Høgskulen i Volda.
Studentarbeid som blir produsert og dokumentert i løpet av studiet, vil kunne bli brukt som eksempel ved seinare kurs, eller i skulen sin informasjon om eigne aktivitetar.
For auka kvalitet og kontinuitet krev vi at studentane har eigen bærbar datamaskin som er kraftig nok til å køyre programvare for bildebehandling og videoredigering, samt minnekort til bruk i kamera/lydutstyr.
Praksis
I studiet inngår intern og ekstern prosjekt- og produksjonspraksis. Nærmare retningslinjer for praksis kvart studieår blir gitt ved semesterstart.
Internasjonalisering
Det er mogleg å gjennomføre delar av studiet i utlandet, med utveksling til våre internasjonale samarbeidsinstitusjonar. Høgskulen i Volda tar også i mot både studentar og gjesteforelesarar frå utlandet. Det blir derfor undervist på engelsk i nokre emner og enkeltforelesingar.
Kostnader
Vi tilrår studentane å abonnere på Adobe Creative Suite. Det er studentrabatt på abonnement.
Studenten må pårekne nokre kostnader til materiell, samt transport og overnatting i samband med frivillige ekskursjonar. Meir informasjon om dette blir gitt i den enkelte emneplan, der dette er aktuelt.
