Voldastudent med premierefilm på BIFF 2009
Media, IKT og designstudent Espen Faugstad frå Bergen bestemmer seg plutseleg for å reise til Uganda saman med kameraten Eivind Nilsen. Dei vil følgje barneheimen Nsumba, som er sponsa av den bergenske stiftinga Bring Children From Streets (BCFS), som dei kjenner frå før.
No har dei to kameratane dokumentert opplevingane sine i den 60 minutt lange filmen "Bring Children From Streets", som skal ha to framsyningar på Bergen internasjonale filmfestival 2009 (BIFF) den 23. og 26. oktober.
Dei to har mange jern i elden, og har saman stifta selskapet Bildevisjon for å gjere alvor av film- og medieinteressa. Det har etter kvart vakse fram fleire fine prosjekt. Les om dokumentarfilmprosjekta og mykje meir på nettsida deira. 