Mentorutdanning I – oppstart med 35 studentar
Måndag den 15. februar startar Mentorutdanning I ved Høgskulen i Volda. Studiet er eit vidareutdanningstilbod i samarbeid med Høgskulen i Sogn og Fjordane. Fagleg ansvarleg for studiet, Bente Vatne ved Høgskulen i Volda, gler seg til å ta i mot 35 studentar til det nye studiet.
– Studiet har tre samlingar på to dagar med arbeidskrav mellom samlingane, melder Vatne.
– Første samling startar måndag 15. februar kl 11.00 - 17.00 og avsluttar tysdag 16. februar kl 15.00, og undervisningsstad er Høgskulen i Volda, Henrik Kaarstad-huset, rom 306 (3. etasje).
– Studiet handlar mellom anna om nyare teoretiske tilnærmingar til rettleiingsfeltet, etiske dilemma og maktforhold i rettleiingssituasjonar, korleis rettleiing kan nyttast som ein viktig del av lærarrolla og i kompetanseutviklingsarbeid i skule og barnehage, forklarar Vatne.
– I tillegg vert det lagt vekt på korleis studentane kan inkludere nyutdanna i eit kritisk, reflekterande fellesskap i barnehage og skule og eit breitt repertoar av tilnærmingar til rettleiingsfeltet.
Førelesarane på studiet er Asvor Klokkehaug ved Høgskulen i Volda, Ingrid Fosshaug ved Høgskulen i Sogn og Fjordane og Kari Søndenå ved Universitetet i Stavanger.
Les ei eldre sak om mentorutdanninga
