Basen på Yksnøya ferdig utbygd
I sommar vart Høgskulen i Volda sin base for idrett og friluftsliv på Yksnøya ferdig utbygd. – Dette er ein viktig milepæl for oss. Basen er no komplett med naust, seminarrom og personalrom, flytebrygger, leirområde med uthus og vassforsyning, seier seksjonsleiar ved idrett og friluftsliv Nils Ola Skuset.
På basen på Yksnøya arrangerer Høgskulen i Volda kurs for studentane. Basen vert også leigd ut for ulike føremål. Seksjon for idrett og friluftsliv har kjøpt inn og bygd båtar, drifta eigen skyssbåt og lagt ned mykje arbeid i reperasjonar og vedlikehald.
Idyll på Yksnøya. Studentar ved idrett og friluftsliv kosar seg i strandkanten.
Skyssbåten Nordlys med HVO-studentar legg til kai på Yksnøya.
Høgskulen i Volda har ei rekkje båtar på Yksnøya.
