Fooladi skal snakke om molekylær gastronomi på radio

- Denne veka er temaet det nye fagfeltet molekylær gastronomi som ligg i grenselandet mellom kjøken og vitskap, fortel Fooladi.
Han har hatt stor suksess med studiet Mat, kultur og konservering, i tillegg til studia i matkultur og helse ved Høgskulen i Volda.

Kjøkkenkjemi
Molekylær gastronomi er rett og slett kjøkenkjemi. Ein nyttar kjemisk kunnskap til å lage mat så god eller perfekt som mogleg. Ofte er litteratur eller framstillingar skrive på ein lettfatteleg og kvardagsleg måte, slik at flest mogleg skal kunne nytta seg av kunsten.
Erik Fooladi har eit godt døme på www.naturfag.no, der han forklarar korleis ein kan lage ein endå meir luftig og fin trollkrem. ”Å fange luft med egg - Om trollkrem, skum og proteiner”


Trollkrem med jordbær.

Den perfekte biffen
- Vi skal snakke om kva molekylær gastronomi er, korleis ein kan steike den perfekte biffen, kor mykje skum ein kan få ut av ein eggekvite, og korleis ein kan nytte maten som innfallsport til å undervise naturfag i skulen, seier Fooladi.

Bloggen til Erik Fooladi er meint som ein open og uformell refleksjon kring tema knytt til mat og naturvitskap. I tråd med motivasjonen bak Molekylær gastronomi er fokuset retta mot den maten ein lagar heime, på skolekjøkenet eller får på restaurant, heller enn mat som industri. Ein sentral del av filosofien til Fooladi ligg i at det må være greit å leike med maten, faktisk BØR ein leike med maten dersom leiken kan føre til læring.

Les meir: 
Aktuelle studium
Superstreng
Eirik Newth
Bloggen til Erik Fooladi